Фудбалскиот сојуз на Србија (ФСС) денеска соопшти дека само УЕФА може да одлучи за статусот на титулата шампион на Југославија од 1986 година.
Црвена звезда во јули годинава поднесе барање за враќање на шампионската титула од 1986 година. Тогаш „Црвено-белите“ наведоа дека „титулата од 1986 година ни деше украдена со одлука на Судот за заеднички работи и доделена на ФК Партизан спротивно на одлуките на Фудбалскиот сојуз на Југославија и УЕФА“.
Станува збор за титулата од познатиот југословенски скандал познат како Шајберово коло (поради Славко Шајбер, претседател на ФСЈ), коло кое беше поништено и потоа преиграно, а сите клубови од „спорните“ натпревари беа казнети со одземање на 6 бодови за наредната сезона 1986/1987. Партизан, кој имаше завршено прв поради подобра гол-разлика од Звезда, беше единстевниот кој одби преигрување и на крајот загуби со службени 3:0.
Звезда ја освои титулата во таа спорна сезона 1985/1986, а во следната сезона Вардар ја искористи бодовната предност и ја освои својата единствена титула во екс-ју лигата. Двата тима играа во Купот на шампионите како официјални шампиони на Југославија, но подоцна Судот за заеднички работи им ги одзеде титулите и му ги предаде на Партизан правдајќи се дека немало доказ за неправилности во тоа спорно 34. коло што било преиграно.
Вардар ден денес си ја рачуна таа титула, но вистината е дека титулата му е одземена и му се брои на Партизан. Денешната табела за таа сезона вели дека „шампионот“ Вардар заврши на 5-тото место.
„Во последно време во медиумите се појавуваат различни дезинформации во врска со активностите на ФСС, од кои некои неодамна беа демантирани. Новата дезинформација во низата е дека се формира Комисија за правни прашања која одлучува за статусот на титулата за шампион на Југославија од 1986 година. Ова прашање не е за властите на ФСС и суштината на тоа прашање е дека за тоа само УЕФА може да одлучува“, соопштија од ФСС.
Додека Црвена звезда се бори да си ја врати на терен освоената титула, Вардар спие и воопшто не покажал интерес за такво нешто. Сѐ додека не излезе правна одлука, Партизан останува шампион на Југославија за сезоните 1985/1986 и 1986/1987, а Цревена звезда и Вардар не можат самоиницијативно да си ги присвојуваат титулите.
