За време на натпреварот помеѓу кошаркарите на Зенит и Партизан во ВТБ лигата кој се одржа во Русија, еден навивач се обиде да ја запроси својата девојка.
На средината од првата четвртина, додека Партизан имаше водство од 14:4, парот се појави на големиот екран на средина од салата.
Навивачот тогаш клекна со прстен пред својата девојка, која одмавна со главата и ги тргна рацете од кутивчето со прстенот.
Дечкото веднаш стана и излезе од кадар, додека камерата продолжи да ја покажува девојката која со раце си го криеше лицето.
„Да не си му во кожа на дечково“, стои во описот на видеото кое се шири на социјалните мрежи.
„Јавните запросувања ретко се добра идеја“, заклучи еден твитерџија.
Иако делуваат спектакуларно, јавните запросувања навистина се меч со две острици. Неретко завршувале без среќен крај, а овој случај е токму еден таков пример.