Facebook очигледно сака јасно да стави до знаење кој е сопственик на популарните апликации Instagram и WhatsApp, па поради тоа наскоро ќе го додаде своето име на нивните називи.
Така, Instagram наскоро ќе стане Instagram from Facebook, a WhatsApp ќе биде WhatsApp from Facebook. Компанијата веќе го има направено ова со апликацијата Workplace. Веста прв ја објави технолошкиот портал The Information, а од Facebook набрзо ги потврдија гласините.
Новите називи на апликациите ќе се појават и во онлајм продавниците App Store и Google Play Store, а на уредите засега остануваат старите имиња.
„Сакаме да бидеме појасни во врска со производите и услугите кои се дел од Facebooka“, велат од компанијата на Марк Закерберг.
Закерберг уште претходно има зборувано за неговата голема визија д ги спои Facebook, Instagram и WhatsApp во единствен систем за праќање пораки.
