Машко здравје: Утринската ерекција е добар знак

Има многу митови и легенди во врска со машката интима и здравје – за големината на пенисот, за траењето на ерекцијата, за влијанието на пушењето... Да ги разбиеме тие митови и да зборуваме отворено за машката интима.

Големината не е важна

Големината на пенисот е чувствителна тема за мажите. Некои мажи се несигурни каде припаѓаат на скалата, па знаат да се „пофалат“ со поголема должина на половиот орган од онаа вистинската, мислејќи дека така ќе ги импресионираат потенцијалните партнерки.

Науката нуди конкретни одговори. Британска анализа во која биле опфатени повеќе од 15.000 испитаници покажа дека просечната должина на пенисот во состојба на ерекција изнесува 13 сантиметри, а обемот 11 сантиметри.

Ако имате помал или поголем пенис од просекот, тоа не прави некоја голема разлика.

Повеќето мажи имаат пенис со должина од 10 до 15 сантиметри, а околу 15% од мажите имаат пенис подолг од 17 сантиметри.

Истражувањето покажа дека во нееректирана состојба просечната должина изнесува 9 сантиметри. Уролозите нагласуваат дека не постои поврзаност меѓу големината на пенисот кога е во еректирана состојба и кога не е.

Машкиот оргазам е кратко доживување

Просечниот женски оргазам трае 20 секунди, што значи дека е четири пати подолг од просечниот машки оргазам кој трае шест секунди.

Исто така, мажите ја немаат можноста да доживеат повеќекратни оргазми како жените.

Ноќни ерекции

Не се знае точната причина зошто се јавуваат ноќните ерекции, но не се должат на секси соништа.

Може да се случат четири до шест ноќни ерекции, што е само уште еден начин телото да покаже дека репродуктивниот систем на мажот е здрав.

Дали може да ви се смали пенисот?

Ако мажот нема редовни ерекции и пенисот не се шири редовно, може да се смали и да стане пократок, вели урологот Наталија Лопушјан.

Мажите кои подолго време се соочуваат со еректилна дисфункција најверојатно ќе имаат пократок пенис во споредба со претходно.

Пушењето цигари е отров за пенисот!

Пушењето може да влијае на крвните садови, а тоа значи дека се одразува на способноста за ерекција. Со тек на време ерекцијата ќе биде послаба и послаба.

Пушачите може да очекуваат намалување на пенисот во должина (во ерекција) и до 2,5 сантиметри!

Ако престанат да пушат, со тек на време може да им се врати првичната должина на пенисот и цврстината при ерекција.

Обрежаните и необрежаните пениси не се разликуваат многу

Обрежувањето е вообичаена постапка во многу култури низ светот. На пример, Американската академија на педијатри препорачува да се обрежуваат машките деца, врз основа на тврдења дека обрежувањето е поврзано со понизок процент на сексуално преносливи болести и други инфекции. Но, на крајот одлуката е на родителите.

Освен изгледот, уролозите велат дека нема голема разлика меѓу обрежаните и необрежаните пениси. Во еректирана состојба, кожичката на необрежениот пенис се свиткува наназад и главата на пенисот е изложена, така што нема голема разлика при секс.

Да, пенисот може да се скрши

Пенисот не содржи коски, но може да се скрши и тоа е многу болно. Ткивото исполнето со крв во еректиран пенис може да се растргне при премногу силен удар или влечење. Притоа, целата крв останува под кожата, поради што се јавува огромна модринка и оток. Скршениот пенис поцрвенува, набабрува и боли на допир.

Најчести повреди на пенисот се случуваат при секс, во позата „каубојка“ односно кога партнерката е горе. Во случај на ваква повреда веднаш побарајте лекарска помош бидејќи може да има трајни оштетување ако не се лекувате.

Утринската ерекција е добар знак

Мажи, будењето со ерекција е добар знак за вашето интимно здравје. Тоа нема никаква врска со возбудување, туку со биолошкиот факт дека нивото на тестостерон наутро е највисоко.

Ако ви престанат утринските ерекции, тоа може да е знак за некакво нарушување на вашето здравје. Една недела без ниту една утринска ерекција е доволна причина да закажете преглед кај вашиот лекар.

Изостанувањето на утринската ерекција може да има врска со нивото на хормони, со здравјето на крвните садови, но и со вашето ментално здравје.

Тагови
реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Во која храна ги има трите минерали најважни за тироидната жлезда?

Read more

Марула - ја сметаме за најобична салата, а лечи болести и помага при слабеење

Read more

Здравје

Пет причини зошто треба почесто да јадете тиквички

Read more

Како е поврзано пиењето кафе со ракот на дебело црево?

Read more

Која храна ги подобрува концентрацијата и расположението?

Read more

Најдобрите здравствени придобивки од пиењето кафе без кофеин

Read more
 

Магазин

Пет причини зошто треба почесто да јадете тиквички

Читај повеќе

5 причини зошто треба да го ограничите времето што децата го поминуваат пред екрани

Читај повеќе

Потрошувачки кредит на вашата сметка, додека уживате во топло кафе

Читај повеќе

Како е поврзано пиењето кафе со ракот на дебело црево?

Читај повеќе

Во кое време од денот е најдобро да имате секс, според возраста?

Читај повеќе

Колку често треба да се перат пижамите?

Читај повеќе
  • filter

Марула - ја сметаме за најобична салата, а лечи болести и помага при слабеење

Читај повеќе

Италијански готвач открива: Кога се посолува водата за варење тестенини?

Читај повеќе

Трик со омекнувачот за облеката да мириса убаво и до седум дена

Читај повеќе