Жозе Мурињо не беше задоволен што негов фудбалер мораше на среде мечот со Челси да излезе од теренот.
Во еден момент од второто полувреме, на теренот имаше само 10 фудбалери на Тотенхем бидејќи Ерик Дајер мораше итно да оди во веце.
Баш во тој момент Челси имаше шанса да ја дуплира предноста, па тренерот на Тотенхем потрча кон соблекувалните за да го побара стоперот и да го врати во игра.
„Жозе не беше задоволен што оттрчав до веце, ама како да ви кажам – повик на природата“, рече Дајер низ смеа по натпреварот.
За среќа, Тотенхем не прими гол за време на кратката веце пауза на Дајер. Стоперот сепак ја искористи шегата на своја сметка и продолжи да се забавува на социјалните мрежи, објавувајќи фотка од веце шолјата.
Момците на Мурињо го победија Челси на пенали во осминафиналето од Карабао купот.