Кошаркарите на Далас Маверикс се пласираа во финалето на Западната конференција од плеј-офот во НБА лигата, откако во серијата подобар од 7 со 4-2 ја совладаа Оклахома Сити Тандер.
Решавачка во серијата беше синоќешната голема победа по пресврти и драма со резултат 117:116.
Оклахома одлично влезе во натпреварот и водеше во текот на првото полувреме. Предноста постојано растеше и на пауза се замина со водство 64:48 за Тандер.
Во еден момент имаше и 17 поени предност за гостите, а потоа Далас се разигра во вториот дел. Најпрво во пресрет на последната четвртина ја намалија негативата на 7 поени, а потоа по драмата успеаја целосно да го свртат резултатот за конечно славје.
Лука Дончиќ повторно одигра фантастична партија за Далас, остварувајќи нов одличен трипл-дабл. Постигна 29 поени и додаде по 10 скока и асистенции.
Голема поддршка имаше кај Кајри Ирвинг и Дерик Џонс кои постигнаа по 22 поена, додека Шеј Гилџс-Александер беше убедливо најдобар кај Оклахома со 36 поени и 8 асистенции. Џејлен Вилиамс за малку не стигна до трипл-дабл потигнувајќи 22 поена, 9 скока и 8 асистенции.
What a moment for Luka and Kyrie! pic.twitter.com/PcasVZ8lDz
— NBA (@NBA) May 19, 2024
Сега Далас во финалето на Западот го чека подобриот од пресметката меѓу Денвер Нагетс и Минесота Тимбервулвс. Резултатот е 3-3 во партии, а решавачкиот натпревар меѓу овие ривали се игра ноќта од недела кон понеделник од 2 часот по македонско време. Преносот ќе биде на Arena Premium 1.
▪️ MAVS ADVANCE TO THE WESTERN CONFERENCE FINALS #NBAPlayoffs presented by Google Pixel continue Sunday on ABC and TNT. pic.twitter.com/st6sr2QyOm
— NBA (@NBA) May 19, 2024
