Далас Старс победи со 3:2 во петтиот натпревар од Стенли куп финалето над Тампа Беј Лајтнинг и си ја поврати надежта за титулата во најдобрата хокеарска лига на светот.
Кори Пери на две минути пред истекот на првата третина со мајсторија погоди за водство на Далас на кој очајно му требаше победа бидејќи спротивното ќе значеше шампионска титула за Тампа.
Но, потоа Тампа направи целосен пресврт откако Чехот Онджеј Палат во 5. минута од втората и Русинот Михаил Сергачјов во 4. минута од третата третина ја затресоа мрежата на Далас.
Тампа беше на добар пат да ја реши финалната серија, но победник да нема, барем во регуларниот дел, се погрижи одличниот Џо Павелски на 6 минути пред крајот.
Во продолженијата повторно на сцена стати Кори Пери кој дури во 29. минута и 23 секунди постигна гол за спас на Далас.
За Тампа повторно не играше нашиот Стивен Стамкос кој никако целосно да се опорави од повредата. Надежта е дека ќе игра на шестиот натпревар.
Тампа и натаму води во партии, сега со 3-2, а наредната шанса за пехарот ќе ја има во вторник сабајле од 2 часот по македонско време.
