Лос Анџелес Лејкерс го совлада градскиот ривал Лос Анџелес Клиперс со 122:97 во првиот натпревар по трејдот со Далас Маверикс.
Горенаведените франшизи во НБА беа шокирани во неделата од веста за трејдот во кој Лука Дончиќ пристигна во Лос Анџелес, а Ентони Дејвис замина во спротивна насока.
Нивните први натпревари без главните играчи се чекаа до денеска, а Лејкерс го декласираа градскиот ривал благодарение на Леброн Џејмс, кој постигна 26 поени со 9 асистенции и 8 скокови. Зад него беа Руи Хачимура и Остин Ривс со по 20 поени и 6 скокови, додека Далтон Канект додаде 14 поени и 4 скока, а двоцифрен беше и Гејб Винсент со 12 поени, 3 скока и 2 асистенции.
За Клиперс, Норман Пауел постигна 20 поени со 2 асистенции и 2 скока, а Дерик Џонс додаде 17 со 2 скока и 2 асистенции, додека На'Шон Хајланд го заврши натпреварот со 12 поени. Двоцифрен беше уште и Каваи Ленард со 11 поени, 6 скокови и 2 асистенции.
Од друга страна, Далас без својот најдобар играч досега, Словенецот Лука Дончиќ, загуби на гостувањето кај Филаделфија 76ерс со 118:116.
Фила до триумфот ја предводеше Тајрис Макси со 33 поени, 13 асистенции и 4 скокови, додека Жоел Ембиид постигна 29 поени со 11 скокови и 10 асистенции. Гершон Јабуселе го заврши натпреварот со 19 поени, 8 скока и 4 асистенции, додека Џастин Едвардс исто така беше двоцифрен со 16 поени по 2 скока и асистенции.
Во отсуство на Дончиќ, кај Мавс најдобар беше Кајри Ирвинг со 34 поени, 9 скокови и 4 асистенции, додека Наџи Маршал додаде 19 со 5 асистенции и 4 скока, а Макс Кристи го заврши натпреварот со 15 поени, 9 скокови и 3 асистенции. Данте Ексум постигна 14 поени со 4 асистенции, а двоцифрени беа и Дениел Гафорд и Клеј Томпсон со по 12 поени.
Резултати:
Филаделфија 76ерс - Далас Маверикс 118:116
Бруклин Нетс - Хјустон Рокитс 99:97
Кливленд Кавалирс - Бостон Селтикс 105:112
Торонто Репторс - Њујорк Никс 115:121
Чикаго Булс - Мајами Хит 133:124
Лос Анџелес Клиперс - Лос Анџелес Лејкерс 97:122
Портланд Треил Блејзерс - Индијана Хит 112:89
Табела:
