Некои од најкорисните работи на интернет се бесплатни. Facebook, Wikipedia, Google Maps, Gmail, Google Search… сите овие услуги се бесплатни. Ако ги занемариме рекламите, бесплатни се и Spotify и YouTube. Сепак, секој од овие сервиси вреди нешто. Повеќето корисници најверојатно би се согласиле да плаќаат одреден износ за нивно користење, но прашањето е колку?
За да дојдат до тој одговор, група еконимисти од Универзитетот МИТ во Гронинген направија истражување за да одредат колку им вреди на луѓето откажувањето од некои од овие сервиси.
За да ја одредат просечната вредност на претплатата, истражувачите направија експеримент во кој ги прашаа испитаниците дали повеќе би сакале да имаат пристап до одредени сервиси или дали би примиле пари ако се подготвени да се откажат од нив.
На пример, во случајот со Facebook, ги прашале испитаниците дали повеќе би сакале да добијат пари и да се возржат од користење на социјалната мрежа на еден месец. Сумата што им била понудена варирала од 1 до 1.000 долари. Со цел испитаниците да одговорат што е можно поискрено, истражувачите им рекле дека еден од 200 испитаници навистина ќе добие пари ако се откаже од социјалната мрежа на еден месец.
Уште во 2016 година било спроведено истражување на повеќе од 1.500 луѓе и резултатите покажале дека половина од испитаниците би зеле 50 долари месечно во замена за откажување од Facebook. Научниците се согласиле дека тоа не е доволен примерок за истражување од ваков вид, но тогаш дошле до заклучок дека корисниците би се откажале од социјалната мрежа за 30 до 70 долари месечно. Истиот експеримент го спроведоа и во 2017 година и тогаш просечната сума изнесувала 40 долари.
Користејќи ја истата методологија, истражувачите заклучиле дека очекувањата на корисниците се зголемиле и дека просечниот корисник на мејл би побарал 8.400 долари за да се откаже од него на една година, за дигиталните мапи 3.600 долари, а за Amazon 840 долари.
Главната поента на истражувањата е да се утврди вредноста на услугите, сервисите и производите кои инаку ги добиваме бесплатно. Истражувачите велат дека ако ние како корисници не ја воочиме вредноста на овие производи, нема да има економски напредок.
