„The Haunting of Bly Manor“ е продолжение на хорор-серијата од 2018 година „The Haunting of Hill House“.
Серијата на Netflix за кратко време стекна култен статус меѓу обожавателите на хорори, па со нетрпение се очекуваше нова морничава приказна во антологијата.
Овојпат дејството се случува на имотот Bly Manor, каде ќе се запознаеме со приказните на тамошните станари, живи и мртви.
Во „The Haunting of Bly Manor“ играат Викторија Пендрети, Хенри Томас, Оливер Џексон-Коен, Кејт Сигел, Т’Ниа Милер, Рахул Коли, Бенџамин Еван Ејнсворт, Амели СМит и Амелија Ив.
Режисерот Мајк Фланеган го објави првиот трејлер и од она што можевме да видиме, очекувањата се високи.
Дејството е сместено во 1987 година, а ги следи американската дадилка Дени Клејтон (Пендрети), која е ангажирана да се грижи за Мајлс и Флора Вингрејв, деца без родители кои живеат на зафрлениот селски имот.
На 9 октомври на Netflix ќе видиме што се крие зад морничавите кукли и дали оваа хорор приказна ќе ги задоволи очекувањата на обижавателите на првиот дел од антологијата.
