Марио Манџукиќ дебитираше за Милан, што значи дека по повеќе од една година се врати во популарната фудбалска симулација FIFA.
Сепак, компанијата EA Sports, која секоја година објавува нова верзија на играта, целосно промаши и го стави Манџукиќ во игра без коса. Која е причината за ваквата одлука, или грешка, не е познато.
Погледнете како изгледа „Супер Марио“ во FIFA 21:
Иако италијанските медиуми во пресрет на дербито помеѓу Интер и Милан (2:1) во Купот на Италија објавија дека Манџукиќ можно е да игра од првата минута, поранешниот хрватски репрезентативец воопшто не играше синоќа.
ItaliSport наведува дека проблем е лесната повреда на скочниот зглоб поради која Манџукиќ не бил подготвен за игра. Следната можност за настап ќе ја има во сабота кога Милан гостува во Болоња.
Интер славеше со 2:1, а натпреварот го одбележа голем конфликт помеѓу Ибрахимовиќ и Лукаку, кои за малку ќе се степаа.
Милан поведе со голот на Ибра, кој подоцна доби црвен, а победата за Интер ја донесе Ериксен со одличен погодок од слободен удар во седмата минута од продолжението.
