Постојат многу неодговорени прашања поврзани со епидемијата, но меѓу оние најважните е дали со коронавирусот може да се заразите двапати?
Загриженоста од зараза дополнително порасна откако е објавено дека пациенти во Кина, кои по два негативни теста се пуштени од болница, морало повторно да бидат примени бидејќи подоцна повторно биле позитивни на вирусот.
Слични приказни доаѓаат и од Јапонија каде еден пациент по втор пат развил симптоми и е позитивен на вирусот, откако еднаш закрепнал од него.
Експертите сè уште не знаат многу за SARS-CoV-2, но имаат опширно знаење за слични болести. По прележана болест пациентите создаваат антитела на вируси и стануваат имуни на повторна инфекција со истиот вирус.
Додека не стане достапен тестот на антитела не може со сигурност да се знае дали имунолошкиот систем на некој пациент развил антитела или станува збор за лажно позитивен тест, што може да се случи во одредени ситуации.