Научниците веруваат дека веројатноста за ова е многу мала. Сепак, тие објаснија како теоретски може да се случи таков настан.
Земјата теоретски би можела да се оддалечи од својата орбита поради дејство на меѓуѕвезден објект кој лета низ меѓуѕвездениот простор и влегува во Сончевиот Систем и минува блиску до Земјата.
При ваква блиска средба, која научниците ја нарекуваат „прелет“, Земјата и објектот би размениле енергија, а како резултат на тоа би била нарушена орбитата на Земјата. Ако таков хипотетички објект би бил брз, масивен и доволно блиску, би можел да ја насочи Земјата во орбита што на крајот би ја однела надвор од Сончевиот Систем.
Друга теорија за тоа како тоа може да се случи беше изнесена од професорот Тимоти Дејвис од Универзитетот во Кардиф. Тој наведува дека излегувањето на Земјата од Сончевиот Систем може да се дискутира во контекст на ѕвездени средби како што е ѕвездата Gliese 710, која треба да се приближи до Сонцето за милион години. Но, тој не верува дека тоа ќе ги вознемири планетите и наведува дека за сериозно придвижување на планетите треба истовремено да се експлодираат милиони милијарди атомски бомби.
