Вес МекКоли е канадски судија во хокеј на мраз познат по драмата која ја внесува во натпреварите кога ги носи одлуките на мразот.
Син на поранешен НХЛ судија, МекКоли прво бил одбранбен играч пред повреда да го натера прерано да ја заврши кариерата во 1997 година. Потоа тргнува по стапките на неговиот татко и станува судијата кого сите го сакаат.
Драматичноста која ја носи кога ги соопштува своите судиски одлуки, репликите кои им ги дава на играчите во текот на натпреварите, како и очигледната глума со која зборува на мразот го направија МекКоли легенда која им парира и на најпопуларните играчи во овој леден спорт. Толку е популарен што за него на интернет има повеќе видеа отколку за некои играчи.
На 48 години тој е активен судија во најквалитетната хокеј лига на светот, НХЛ. Има судено над илјада натпревари, а на мразот е препознатлив по бројот 4 на својот дрес (во хокеј бројки имаат и судиите). Има судено 6 Стенли куп финалиња, сите по ред од 2013 до 2018.
