Новиот филм The Strays на Netflix некои гледачи го нарекоа најстрашниот филм на годината, а како што тврдат, одредени сцени ги исплашиле толку многу што се плашеле за сопствениот живот.
Филмот го режираше Натаниел Мартело-Вајт, а приказната е за една жена која живее прилично нормален живот во британско предградие. Меѓутоа, работите тргнуваат на полошо со доаѓањето на двајца странци кои, се чини, ќе ѝ го уништат животот и ќе урнат сè што изградила.
По гледањето на филмот, гледачите се огласија на социјалните мрежи за да ги предупредат другите да не го гледаат доцна навечер.
„Само што го догледав The Strays на Netflix и мислам дека сум оштетен за цел живот бидејќи што, по ѓаволите, штотуку гледав?“, напиша еден корисник на Twitter.
„Ако сакаш да спиеш вечерва, не го гледај The Strays на Netflix“, се согласи друг.