Кога температурите ќе се зголемат, а вие немате клима, дали е подобро ширум да ги отворите прозорците или цел ден да бидат затворени?
Мислењата се поделени, некои сметаат дека е пожелно да ги отворите прозорците за да влезе повеќе воздух, додека други мислат дека е подобро да ги затворите за да се заштитите од неподносливата вруќина.
На крајот, сè зависи од личниот избор. Се поставува прашањето дали е штетно прозорците да бидат затворени цел ден?
Истражувањата покажаа дека квалитетот на воздухот, особено во малите простории, брзо се влошува. Студија покажа дека во повеќето случаи измереното ниво на CO2 значајно ја надминува препорачаната вредност. Во некои случаи било повисоко за 75 проценти.
Лошиот квалитет на воздух не влијае негативно само на сонот туку ги нарушува општото здравје, работната ефикасност и концентрација.
Што најчесто се препорачува за летните жештини?
Многу е важно станот или куќата да бидат добро проветрени дури и кога температурите растат. Затворањето на прозорците и спуштањето ролетни во текот на целиот ден е пожелно само ако дома нема никој.
Ако поголем дел од денот го минувате дома, експертите препорачуваат прозорците да се отвораат неколку пати дневно најмалку по 5 минути дури и кога надвор е многу топло. Идеално е да направите провев и потоа веднаш ги затворите прозорците за да се заштитите од топлина.
Кога ќе зафати топлотен бран добро е да проветрите уште во раите утрински часови и доцните вечерни часови, но и во текот на ноќта. Во останатите периоди пожелно е прозорците да бидат затворени особено оние изложени на директна сончева светлина.