Некои луѓе сакаат да ги пукаат прстите, на ужас на други, кои тоа го сметаат за одвратно. За што точно станува збор?
„Не знаеме“, признава Каролин Веркмајстер, ортопед во хамбуршката универзитетска болница.
Научниците се обиделе да заклучат зошто некои луѓе имаат побучни зглобови од други, но до конечен заклучок не дошле.
Единствено што сигурно се знае е дека тоа е поврзано со азот и јаглен диоксид, кои се собираат меѓу зглобовите и колку што е воздушниот притисок понизок, толку е поверојатно дека ќе дојде до пукање.
Звукот од пукањето на прсти, се претпоставува, се појавува во момент кога гасот наеднаш повторно преминува во течна состојба, што е одговор на намалувањето на притисокот.
„Меѓутоа, околу тоа едноставно нема доволно истражувања“, вели Вермајстер.
И што да преземете во врска со тоа? Слободно пукајте ги прстите, советува Веркмајстер, бидејќи научниците барем знаат дека тоа не е никаков голем проблем.
„Ако луѓето кои ги пукаат прстите имаат проблеми поради тоа, ние досега би знаеле“, вели таа.
Но, постои еден услов – пукањето не смее да биде болно. Во тој случај сепак треба да се посети доктор.
