Се повеќе инциденти со патниците во воздух, кои поради анксиозност или други проблеми со однесувањето се обидуваат насилно да отворат врата на авион на висина од 10,000 метри.
Дали воопшто е возможно да отворите врата на толкава висина?
„100 проценти невозможна мисија, вели Брус Роџер, претседател на авиокомпанија и пилот, кој додава и дека што и да правите едноставно е невозможно да се отвори вратата.
Еве и зошто: Кабините во авионот се под притисок за патниците да можат да дишат на големи висини. Како резултат, постои разлика меѓу воздухот надвор и внатре. Поради тие разлики авионите се под неколку килограми притисок на секој квадратен сантиметар, вклучувајќи ја и вратата.
Поради тоа вие всушност влечете далеку поголема тежина, а набргу сфаќате дека физички е невозможно да ја отворите.
На пониски висини, поточно пред слетување, теоретски е возможно да се отвори вратата, но би ви била потребна и помош од други луѓе.
Колку сте поблиску до земјата толку повеќе се намалува и тежината.
Сепак, она што екипажот го загрижува е отворањето на вратата кога авионот е на земја.
Додека авионот се движи по пистата секој може да ја отвори вратата со само еден потег. Иако ова не се случува често во САД, во азиските земји авио – компаниите се соочувале со ваков тип на проблеми поради преголемиот број на анксиозни патници кои прв пат летале и сакале да ја отворат вратата за да земат малку „свеж воздух“.
