Еден од недостатоците на електричните модели на автомбили е што тие сѐ уште се премногу скапи за просечниот возач, дури и кога станува збор за градските возила.
Не и кога станува збор за кинески електрични возила, кои се значително поевтини од европските еквиваленти. Сепак, се поставува прашањето дали нивната ниска цена е последица на компромис со квалитетот.
Сведоци сме дека производството на електрични модели цветаше во Кина во последните неколку години, а некои од нив пристигнаа и во Европа.
Baojun E300 уште не стигнал кај нас, но овој мал градски електричен автомобил дефинитивно заслужува внимание.
Fully Charge го тестираше ова возило во Шангај, а впечатоците може да ги видите на видеото на крајот од текстот.
Накратко, станува збор за автомобил на заедничка компанија од три производители SAIC, General Motors и Wuling.
Се произведува во две верзии - пократка од 2,62 метри, и подолга од 2,9 метри. Цената на помалото возило започнува од 8.200 евра, а на поголемото од 10.700 евра.
Автономијата при возење со полна батерија според NEDC стандардот е до 305 км, во реалност е нешто помалку.
За погон користи електромотор од 56 КС (40 kW), а силата се пренесува на задните тркала, максималната брзина е 100 км/ч, што е сосема доволно за градски услови за возење, па дури и за пократки патувања.
Дали би возеле електричен автомобил? Дали би го возеле кинескиот Baojun E300?
