Можно е Роџер Федерер повторно да излезе од тениската пензија на еден ден.
Тони Годсик, агентот на славниот Швајцарец, најави дека Роџер сигурно ќе се согласи да биде дел од егзибициски меч против Рафаел Надал во кој Шпанецот би се збогувал од тенисот.
„Мислам дека нема дилема околу тоа. Роџер и Рафа сакаат да работат заедно и тоа би била одлична приказна“, изјави Годсик.
Федерер и Надал веќе одиграа неколку егзибициски натпревари. Во 2020 година, тие се натпреваруваа во Јужноафриканската Република, а беа дел и од спектаклот на половина земја, половина трева во Мајорка.
Федерер и Надал беа големи ривали во текот на нивните кариери. Одиграа 40 натпревари, а резултатот е 24:16 за Надал.
