Колку е навистина поцврст iPhone 12 од моделот iPhone 11? Дали е ова само маркетиншки трик, или навистина е подобрен овој сегмент?
За сите оние што си го поставиле ова прашање и немаат начин да проверат, постои Арон Хо, од YouTube каналот Mobile Reviews Eh.
Ако не го следите неговиот канал, Арон се занимава со тестирање делови од мобилни телефони, за да може да им препорача на своите следачи што е најдобро за нивните уреди. Овојпат, ја реши дилемата околу издржливоста на најновите модели на Apple.
Тој одлучи да го направи тоа со земање мерач на сила, а потоа и мерење колку е потребно за да се скрши куќиштето на телефонот iPhone 11, а потоа и за iPhone 12.
Резултатот е следен: потребни се 352 N за да се пробие куќиштето (т.е. екранот) на iPhone 11. За да се скрши екранот на моделот iPhone 12, потребна е многу поголема сила - дури 443 N.
Би се рекло дека, барем врз основа на овој тест, Apple навистина направи промена во цврстината на куќиштето и дека не станува збор само за обична реклама.
Целиот тест, вклучително и како се снајдоа овие два модела на тестот на издржливост на екранот (гребење со разни алати), можете да го погледнете на следното видео.