Gmail пред речиси две години официјално ја пушти во употреба опцијата undo send со која на корисниците им дава можност да се спасат од непотребно непријатни ситуации и веднаш да го спречат испраќањето на е-порака. Меѓутоа, според податоците на порталот Mashable, многу малку корисници ја активирале оваа опција.
Колку пати ви се има случено да забележите грешка во напишаното баш откако ќе кликнете send или да испратите мејл на погрешна адреса? Gmail ви дава втора шанса со оваа опција, па зошто да не ја искористите?
Опцијата дава можност, откако ќе го кликнете копчето send, да можете да го откажете праќањето на пораката за 5, 10, 20 или 30 секунди.
За да ја користите оваа опција, треба да ја активирате во нагодувањата на Gmail: под General изберете ја опцијата undo send што би требала да биде деветта по ред, а потоа изберете го периодот во кој може да ја користите. За крај, зачувајте ги нагодувањата.