Тешко нас ако се разврзе дискусија за тоа што сѐ чуваме во фрижидер. Некој вели никако кечапот надвор, а други пак сметаат дека нему му е местото таму. Исто и за јајцата.
Ширум светот, јајцата вообичаено се чуваат во фрижидер, но во некои европски земји каде се купуваат свежи јајца од пазар, луѓето ги чуваат јајцата надвор сѐ до 21 ден. Кога станува збор за тоа дали треба да стојат во фрижидер или не правилото цели кон тоа дали може да се затруеме, а не дали јајцата ќе се расипат.
Научникот Мериен Грејвли тврди дека кокошките во Европа се вакцинираат против салмонела и други опасни болести па затоа жителите на овие земји си дозвлуваат да ги чуваат јајцата надвор. Но, ако тоа значи дека домашните свежи јајца доаѓаат од невакцинирани кокошки тогаш јајцата дефинитивно треба да се чуваат во фрижидер.
Јајцето може да се расипе и во фрижидер, но ниските температури го спречуваат развојот на салмонела која се шири на собна температура. Не ги чувајте јајцата на собна температура бидејќи тие се чуваат на ладно штом ќе ја напуштат фабриката па кога ќе ги оставите надвор настанува кондензација, а таа, пак, предизвикува раст на бактерии. Јајцата смеат да останат на собна температура до максимум два часа пред повторно да бидат ставени во фрижидер.
