На интервју за работа, Илон Маск често им поставува на кандидатите необични прашања, но и загатки.
Според книгата „Elon Musk: Tesla, Space X and the Search for a Fantastic Future“, на новинарката Ашели Венс, Маск наводно им ја поставува својата омилена загатка на потенцијалните вработени за да ги фати неподготвени.
„Стоите на површината на Земјата. Одите една милја на југ, една милја на запад и една милја на север. Стигнавте до местото од каде што тргнавте. Каде сте?“, гласи загатката што Маск им ја поставува на кандидатите на интервју за работа во неговите компании.
Загатката всушност има повеќе одговори, според Popular Mechanics. Првиот одговор е Северниот Пол. Ако ги следите чекорите во логичкиот проблем, движејќи се на југ, запад и север, ќе создадете триаголна патека што води назад кон Северниот Пол. Вториот одговор е Јужниот Пол.
Замислете круг со обем од една милја што го има Јужниот Пол во центарот. Ако одите една милја северно од овој круг, ќе патувате една милја јужно, една милја западно околу кругот, а потоа една милја северно назад до вашата почетна точка.
Иако прашањето е комплицирано, кандидатите не биле премногу строго оценувани врз основа на нивните одговори. Тоа е повеќе начин да се испита начинот на кој кандидатите пристапуваат кон решавање на проблемите.
