Маслото од кокос последниве години се наметна како универзален лек и средство кое се најде во служба на здравјето, убавината, негата и исхраната, но научниците сега велат дека кокосовото масло не е ништо подобро од другите масла, а дека можеби и полошо.
Американското здружение за борба против болестите на срцето објави нови препораки за исхрана, а кокосовото масло не се најде на листата на пожелни намирници.
Според една студија, маслото од кокос содржи околу 82 проценти заситени масти, многу повеќе од другите масла, што го прави потенцијално опасно за артериите и срцето.
Научниците советуваат да го избегнувате внесувањето на кокосовото масло во исхраната и да внесувате незаситени масти и интегрални житарици.
Сепак, можете и понатаму без последици да го користите за нега на кожата и косата или за избелување на забите.