Во вторник започнува новата НБА сезона, а Леброн Џејмс иако нема најголема плата во лигата, сигурно најмногу ќе заработува оваа сезона кога станува збор за комбинацијата со спонзорските приходи.
Леброн на тој начин ќе заработи 119,5 милиони долари и ќе биде единствениот со заработка поголема од 100 милиони. Од нив, 44,5 милиони одат на плата, а дури 75 милиони ќе се добијат од разни спонзори. На второто место е Стеф Кари, кој ќе добие вкупно 93,1 милиони долари (48,1 плата + 45 од спонзори).
На третото место со заработка од 91 милион долари е Кевин Дурент, кој исто така ќе добие повеќе од спонзорите (48) отколку од неговиот НБА клуб (43). Најдобрите пет ги заокружуваат Јанис Адетокунбо (86,5) и Расел Вестбрук (72,1).
Да го споменеме и Лука Дончиќ кој сезонава ќе заработи 37,1 милиони долари плата и релативно скромни 8,5 милиони од спонзори. Меѓутоа, Лука неодамна доби свој бренд во рамките на Nike, па тој аспект од неговата кариера наскоро драстично ќе се промени.