Мачките и кучињата се идеални миленичиња и често се смета дека има непомирливи разлики помеѓу овие два вида животни. Кучето се смета за најдобар пријател на човекот, додека за мачката не се вели истото.
Во истражувањето спроведено од Алис Портер и Даниел Милс учествувале 20 мачки со нивните сопственици, но и луѓе кои им биле непознати. Мачките биле сместени во две простории со два стола (едната за сопствениците, а другата за непознатите). Камерата ја снимала секоја реакција помеѓу мачките и луѓето. Сопствениците заминувале и се врачале назад, а и непознатите го правеле истото.
Откриено е дека мачките мјаукале повеќе кога нивните сопственици ги напуштале, но нема докази дека тие навистина зависат од нив. Сепак, истражувачите истакнуваат дека тоа не мора да значи дека мачките се целосно бесчувствителни. Едноставно, тие по природа се подискретни од кучињата. Тие сметаат се подразбира дека треба да им се обезбеди сигурност и храна и нема потреба да искажуваат благодарност за тоа.
Кога сопствениците ги напуштале, кучињата застанале пред вратата и со нетрпение чекале да се вратат. Некои од нив дури и чувствувале сепарациска вознемиреност. Мачките не се однесувале така. Исто така, за разлика од кучињата, мачките немаат потреба од социјализација затоа што по природа се осамени ловци. Тие преживуваат потпирајќи се на сопствениот инстинкт.
На мачките не им се потребни луѓе за да ги задоволат нивните дневни потреби. Но, важно е да запомниме дека понекогаш тие му покажуваат љубов на сопственикот со предење, кревање на опашката високо, триење на главата од телото и слично. Иако на почетокот можеби не изгледа така, тие ги сакаат сопствениците исто како и кучињата, само што тоа поретко го покажуваат.
