Познато е дека за мачките се вели дека имаат девет животи, но нивниот реален животен век зависи од многу фактори. Сигурно сте се сретнале со приказни за мачки кои живееле и повеќе од 30 години.
Во Гинисовата книга на рекорди постои податок за мачка која живеела до својата 38 година.
Она што кај мачките е многу интересно, а истовремено и чудно, е фактот дека мачките многу бргу созреваат. Мачката веќе во втората година од животот е зрела како човек од 24 години.
Потоа, процесот на стареење се намалува пет до осум пати, како што одминуваат годините. Пред се, мораме да потенцираме дека животниот век на мачките зависи од тоа дали станува збор за домашна или мачка од улица.
Уличните мачки се среќаваат со повеќе проблеми и тешкотии. Покрај тоа што секојдневно мораат да се снаоѓаат да дојдат до храна, тие се принудени да се борат и со други животни, да се грижат за мачињата и да се борат со разни болести од кои не можат да се излечат.
Покрај тоа, тие се во постојана опасност од повреди и смрт – мораат да внимаваат и на сообраќајот, на отровите кои луѓето ги оставаат, како и на другите животни кои ги напаѓаат.
Поради тоа, уличните мачки живеат само две до пет години.
Животниот век на домашните мачки е подолг. Тие не мораат да се борат со сите споменати тегоби со кои се среќааваат уличните мачки.
Нивните сопственици се грижат за храна, хигиена, здравје и околу тоа нивните домашни миленици да добиваат доволно љубов и внимание.
Токму поради тоа, просечниот животен век на овие мачки е од 12 до 15 години.
