Новопечените мајки се соочуваат со многу прашања и непознати ситуации. Токму затоа често треба да бидат внимателни повеќе од вообичаено и да ги слушаат советите на педијатрите.
Новите мајки знаат да се стават себе си во втор план за да не му недостига ништо на бебето. Дури и кога тие не се чувствуваат баш најдобро, за бебето имаат време, енергија и љубов.
Но, таа постојана грижа може да ги исцрпи и да им го намали имунитетот и да добијат покачена температура. Ваквата ситуација повлекува нови прашања, од кои најважното е – дали смеам да дојдам додека имам покачена температура?
Стручњаците тврдат дека одговорот е - да. Ретко се случува мајката преку доење да ја пренесе температурата на детето. Всушност, самото мајчино млеко содржи антитела со чија помош телото на мајката и бебето се борат против инфекции. Поголеми се шансите детето да крене температура од престојот во близина на мајката која има настинка, отколку преку млекото.
Но, кога станува збор за земање лекови за време на периодот на доењето, на тоа поле мајките треба да се внимателни како и во текот на бременоста. Парацетамол или ибупрофен се лекови што често се користат и не би требало да бидат штетни ни за мајката, ни за детето, освен ако мајката не е астматичар или алергична на некоја од состојките во овие лекови. Лекарите препорачуваат намалена употреба на аспирин бидејќи преку млекото може да стигне во организмот на детето. Ако температурата не поминува ни по три дена, мајката треба да се обрати на својот лекар и да побара да ѝ препише лек што нема да биде штетен за неа и за бебето. Престанете со доење ако вашиот лекар ви го препорача тоа.
Додека имате покачена температура бебето треба да го доите носејќи маска што ќе ви ги покрива устата и носот, а претходно темелно измијте ги рацете и не го бакнувајте бебето. Одржувајте строга хигиена и кога го бањате или преслекувате детето.
