Во понеделникот Алексис Санчез го комплетираше својот трансфер во Манчестер Јунајтед, но дали се поминало според одредената процедура?
Манчестер Јунајтед го доведе Алексис Санчез и повеќе нема никакви дилеми, чилеанскиот фудбалер ќе биде големо засилување за клубот кој го води Жозе Мурињо.
Венгер зборуваше за Алексис како за фудбалер кој заминал за подобра понуда, за кого понеделникот бил „специјален ден“. Сепак, изнесе уште еден факт кој загрижува.
Во понеделникот пристигнале луѓе од УЕФА за да му направат тестови на Алексис Санчез, тие стигнале во Лондон на тренинг на Арсенал, ненајавени.
Тие барале примерок од крвта на Алексис Санчез, со цел да проверат дали користел недозволени средства.
„Многу работи се случија во понеделникот и тоа беше специјален ден за Алексис Санчез. Морате да подготвите документи, морате да патувате... Дали тој во понеделникот беше наш играч или не? Никој тоа не го знае, преговорите беа во тек. Го пропушти тој тест, бидејќи беше зафанат со својот агент. Сигурно не сакаше да побегне од тестот, тестиран е многу пати претходно, едноставно сега избраа лош момент за тоа“, изјави Венгер.
„Навистина не сум загрижен бидејќи немам што да кријам овде. Секогаш се обидуваме да соработуваме со допинг контролата“, изјави Арсен Венгер.
Казните за не одговарање на повиците за допинг контрола на еден играч можат да одат и до 2 години неиграње фудбал, додека казните за клубот не се големи, не поголеми од 50 илјади фунти.
Сепак, се верува дека нема да им проблеми по Алексис Санчез, имајќи во предвид дека токму тој ден тој мораше да го комплетира трансферот во Манчестер.
