Иако можеби мислите дека е неважно, начинот на кој седите влијае на телото.
Сите експерти ќе ви кажат дека не е добро да седите премногу во текот на денот. Прекумерното седење може да предизвика лошо расположение, вкочанетост на мускулите и згрченост, а исто така може да го скрати животниот век. За среќа, постои начин на седење што го продолжува животот.
Истражувачкиот новинар Ден Бутнер истражуваше за најдолговечните луѓе во светот. Тој исто така ја интервјуираше најстарата жена во светот која живееше во Окинава.
„Јас лично се уверив дека таа седи на под. Поминав два дена со 103-годишната жена и таа стана и седна на подот 30 до 40 пати, тоа е помеѓу 30 и 40 ‘чучњеви’ дневно“, рече тој.
Зошто е подобро да седите на под? Причината е едноставна. Кога седите на под, го принудувате вашето тело да работи понапорно и мора посилно да се бори со гравитацијата. Покрај тоа, ја подобрувате флексибилноста на мускулите, и бидејќи седењето на подот не е најудобно, па ќе станувате почесто.
Ако седите на под, при станување посилно ќе ги активирате средишните мускули, а исто така ќе ја подобрите рамнотежата. Покрај тоа, ако се кревате и спуштате на подот со леснотија, без прекумерна употреба на рацете за поддршка, тоа значи дека вашето тело е во прилично добра состојба. Треба да се запамети, сепак, дека е важно и како се однесувате и додека седите на подот, немојте да се подгрбавувате.