Останати спортови
НХЛ 2019/20

Дали Оши го постигна голот на векот?

12. декември 2019 - 12:17 | Ф.З.

Ти-Џеј Оши имаше неверојатен слалом ноќеска во победата на Вашингтон над Бостон постигнувајќи гол за кој долго ќе се зборува и прераскажува.

Во 9-тата минута од втората третина, само четири минути откако израмни на 1:1, Ти-Џеј Оши го постигна најубавиот погодок сезонава во американско-канадската хокеј лига. На додавање од Кузњецов, Оши отиде во контра напад во кој прво го исповрте Конор Клифтон, а потоа со мајсторија му ја поткопа на голманот Јарослав Халак.

Нереален гол на кој можат да му подзавидат и Овечкин, Крозби, Стамкос...

Вашингтон Кепиталс на крајот славеше победа од 3:2 во дербито над Бостон Бруинс и ја зголеми разликата на плус 5 на врвот во Источната конференција во однос токму на Бостон кој е втор со 46 бодови.

Бостон влезе во лоша форма бидејќи ова за нив е четврти пораз по ред откако претходно потклекнаа и пред Отава Сенаторс, Колорадо Авалаш и Чикаго Блекхокс.

Коментирај