Куп сино-бели знамиња, а демонстрантите пејат песни, удираат на тапани и ѕвонат на ѕвончиња. Да, така се протестира во Аргентина.
Синоќа илјадници Аргентинци ги наполнија улиците на Буенос Аирес за да го искажат своето незадоволство од Владата на претседателот Алберто Фернандес.
Она што е интересно е како мина протестот. Иако дојдени од незадоволство, Аргентинците протестот го направија да делува толку убаво, небаре сите уживаат дека се на улица.
Покрај во главниот град, паралелно се протестираше и во Росарио и Мар дел Плата. Она што го бараат Аргентинците е сузбивање на корупцијата, реформи во судството и укинување на продолжените рестрикции поставени поради коронавирусот.
