Многу корисници со нетрпение го очекуваат септември и претставувањето на новиот смартфон на Apple, iPhone 7. Деновиве се појави фотографија која тврди дека во целост го открива изгледот на задната страна на претстојниот телефон.
Познатиот типстер од Twitter, Стив Хемерштофер објави фотографија на својот профил за која тврди дека е од предпродукциска верзија на iPhone 7. Судејќи според фотографијата, дизајнот на новиот смартфон е многу сличен со претходникот, а главната разлика е во помалата линија на антената и поголемата леќа на камерата.
Претходните извештаи наведуваа дека iPhone 7 ќе го добие побрзиот A10 процесор, новата iOS 10 платформа, а ќе биде достапна и поголемата верзија со ознака 7 Plus.
Apple iPhone 7 ќе има сериозен предизвик да ја надмине актуелната врвна Аndroid понуда што ја предводат смартфоните Samsung Galaxy 7 и LG G5.
