Мислењето на експертите е дека шансите за пренос на вирусот SARS-CoV-2 преку храна се многу мали, но контактот со луѓето во супермаркети и плаќањето со готовина е нешто што треба да ве загрижува.
Со оглед на тоа дека станува збор за респираторен вирус потребно е патогени организми да дојдат во контакт со кој било дел од респираторниот тракт за да се насели во организмот. Тоа е прилично едноставно, ако вирусот се најде на рацете.
Познато дека во најголем број случаи вирусот се пренесува од човек на човек или доколку личноста биде во контакт со површина на која има активни патогени во вид на невидливи капки кои потекнуваат од кашлање или кивање на заразен човек.
Додека постои ризик важно е на ниво на поединец да се одржува правилна респираторна хигиена и да се почитуваат мерките за превенција, носење маска и дезинфекција на раце кога не може да ги измиете со сапун и вода.
Според Меди Вуд, експерт за безбедност на храна, кога станува збор за пазарење добро е да го бирате оној период од денот кога има најмалку гужва, бидејќи штом се почитува мерката за социјално дистанцирање, таа е една од најважните кога станува збор за запирање на ширење на вирусот.
Токму затоа се препорачува да ја почитувате пропишаната оддалеченост од другите луѓе во маркетите, особено ако се посомневате дека некој искажува симптоми слични на вирусот. Доколку вие се сомневате дека сте заразени, поради некои симптоми, треба да избегнувате секаков контакт со луѓе.
Избегнувајте плаќање во кеш, која било картичка за електронско плаќање е подобра од размена на пари, пренесува Men’s Health.