Глобалниот гигант во електрониката Sony ја шокираше публиката на Саемот за потрошувачка електроника 2020 откако го претстави прототипот за потполно електричниот Vision-S седан. По електричната лимузина, великаните во електронската индустрија можат да го претстават и новиот SUV.
Компанијата набрзо прецизираше дека електричната лимузина не е наменета за сериско производство туку е направена со намера да ги прикаже најновите високо-технолошки електронски гаџети за автомобили. Без оглед на тоа, автомобилот привлече големо внимание.
На снимката која ја претстави Sony се гледа автомобилот кој изгледа поголем од Vision-S седанот, со поинаква предна маска.
Иако Sony не е автомобилска компанија, идејата да направи автомобил не е сулудна. Како прво, компанијата има доволно приходи за овој потфат, а како второ, прототипот за Vision-S е направен со австриската компанија Magna Steyr која по договор конструира возила за најголемите автомобилски компании.
Sony може да испорачува електроника на големите произведувачи на автомобили, но дали овој гигант ќе пристапи кон автомобилската индустрија?
Веројатно не, но не треба да се занемари фактот дека Sony продолжува да го развива Vision-S за тестирање на патиштата. Моделот на Sony може да биде конкуренција на новиот модел на Tesla Y.
