Volkswagen реши да го разголи својот најпопуларен модел. Буквално.
Хаубата, страните и внатрешните облоги се само дел од она што Volkswagen одлучи да го тргне од овој Golf.
И тоа не кој било, туку баш електричниот, за да им покаже на сите заинтересирани како функционира технологијата зад ова возило.
e-Golf сега се вика eGon, а ќе биде изложен во Хановер за време на саемот за наука и технологија IdeenExpo во јуни.
Посетителите ќе имаат можност да ги видат сите компоненти на електричниот Golf и само електриката.
Сите компоненти ќе добијат свои QR кодови и со скенирање со помош на апликација на мобилниот телефон ќе може да се дојде до увид на целосниот опис.
