Дали сте на чекор до прегорување од вежбање?

А.С.
/ 21.11.2022 / 20:37

Дали веќе сте толку навикнати на режимот на вежбање што сега имате повеќе штета отколку корист? Решете го овој тест и дознајте!

Кога сме на крај на тренингот се чувствуваме како да сме на врв на светот. Ендорфините јурат низ крвотокот, имаме енергија, добро расположение и сѐ одеднаш изгледа побезгрижно. Чувството е толку добро, што понекогаш луѓето буквално „се навлекуваат на вежбање“.

Личната фитнес инструкторка Никола Едисон која работи со многу славни личности, како манекенката Ел Мекфирсон, вели дека ставот кон вежбањето може да стане премногу еуфоричен и да изгубите фокус од вашите фитнес цели.

Повеќе и појако не значи секогаш подобро за вашето тело. Треба да научите да ги препознавате овие „црвени светла“ и да знаете кога е време да забавите и да смените нешто.

Решете го овој тест и дознајте дали сте на чекор до прегорување во теретана:

1. Дали сте вознемирени кога треба да почнете со тренинг? Дали се нервирате ако вашата омилена лента за трчање е зафатена или не ви се допаѓа музиката во позадина?

2. Дали имате воспаленија на мускулите што траат со денови? Во ред е, на пример, да чувствувате воспаление до 72 часа по тренингот, но дали во се случува болката да трае до 4,5 дена?

3. Дали ви е тешко да заспиете навечер? Дали чувствувате немир кога ќе легнете во кревет?

4. Дали имате чувство дека стагнирате? Дали ви се чини дека не постигнувате резултати какви што сакате? Или дека веќе немате никаков напредок?

5. Дали ви е променет апетитот и не ви се јаде ништо иако напорно сте вежбале и потрошивте многу енергија?

6. Дали сте уморни уште по загревањето, наместо да сте полни со енергија?

7. Дали ви се губи мотивацијата и одвај се убедувате да тргнете на тренинг иако претходно сте се радувале на тоа и одвај сте чекале да влезете во теретана?

8. Дали сте тажни и нерасположени во деновите кога не вежбате?

9. Дали членовите на вашето семејство или пријателите некогаш ви искоментирале или забележале (за ваше добро) во врска со вашите навики на вежбање?

На колку прашања одговоривте со „да“?

1-4

Сѐ е ок. Вежбате напорно, но не се форсирате преку сите граници. Сепак, внимавајте да не дојдете до прегорување.

5-7

Се пали црвеното светло. Можеби е време малку да забавите и да ги проретчите тренинзите. Дајте му на телото време да се одмори од едно до друго вежбање. Обидете се да го промените видот на вежбите. Пробајте јога или вежби за дишење наместо „пумпање“.

Држете се до овие правила:

Вежбајте најмногу три пати неделно, така што ќе му дадете на телото време да се одмори меѓу тренинзи.

Вежбите со јак интензитет заменете ги со побавно темпо и за промена комбинирајте кардио вежби, малку истегнување и вежби во кои ќе ја користите тежината на телото.

На пример, ако правите „чучњеви“, не ги правете премногу длабоки и серијата нека биде до 20 повторувања.

Целта треба да ви биде да го покачите пулсот без да паднете во несвест од напор.

Дишете. Секој ден одвојте по пет минути наутро и пред спиење за вежби за дишење. Секој циклус од 30 вдишувања и издишувања нека трае по пет минути.

Тагови
реклама

Исплива видео со Ивана Кнол од 2016: Како изгледаше порано „огнената“ Хрватка?

Read more

Од полноќ поголемо намалување на цените на горивата

Read more

Ана Брнабиќ: Србија е на раб на војна со Косово

Read more

Необичен знак за недостаток на витамин Б12

Read more

Фит

Зошто треба да можете да направите барем десет склекови?

Read more

Дали знаете како слабеењето влијае на имунолошкиот систем?

Read more

Што ќе се случи ако правите по 100 „чучњеви“ секој ден, цел месец?

Read more

10 чекори до совршени стомачни мускули

Read more
 

Магазин

  • filter

Туристи на нога: Најдобри европски градови за љубителите на пешачење

Читај повеќе

Зошто треба да можете да направите барем десет склекови?

Читај повеќе

Хиперактивност: Причина, симптоми и како се третира овој проблем кај децата?

Читај повеќе
  • play_arrow

Седум начини како да го намалите ризикот од канцер

Читај повеќе

Како треба да ја миете косата ако брзо се масти?

Читај повеќе

Идеја за ручек: Лосос на грчки начин

Читај повеќе

Жените подобро работат во потопли простории, мажите во поладни

Читај повеќе
  • play_arrow

Исплива видео со Ивана Кнол од 2016: Како изгледаше порано „огнената“ Хрватка?

Читај повеќе

Клиторисот има и друга функција, освен сексуална

Читај повеќе