Сите барем еднаш наутро сме се напиле од чашата со вода што сме ја оставиле до креветот во случај да ожеднеме во текот на ноќта. Но, зошто вкусот на водата се менува по неколку часа стоење? И дали е безбедно да се пие?
Што се случува со водата кога ќе ја оставите преку ноќ?
Постојат неколку теории за тоа што се случува со чаша вода кога ќе се остави надвор преку ноќ. Првата е дека, ако се работи за вода од чешма, хлорот што веројатно бил додаден во вашиот општински водовод испарувал во тие часови, што може да го промени вкусот. Без разлика на изворот на вода, откако ќе се остави да отстои неколку часа, јаглерод диоксидот може да почне да реагира со водата со намалување на pH вредноста - доволно за да се промени вкусот.
За време на изненадувачки деталната дискусија на Reddit, корисник кој по професија е прехранбен хемичар истакна дека вкусот е едно од најкомплицираните сетила, сугерирајќи дека би можеле да ја споредиме оваа „застоена“ вода со сеќавањето на нејзиниот вкус од пред неколку часа и затоа мислиме дека има застоен вкус, затоа што го споредуваме со свежа вода.
Тој, исто така, рече дека водата ќе испари малку преку ноќ, што може да го концентрира вкусот на „другите работи“ во една чаша.
„Можете да го вкусите/помирисате воздухот во чашата, а не водата. Овој воздух е концентрирана верзија на сите испарливи молекули“, вели тој.
Дали е безбедно да се пие водата?
Во однос на безбедноста, водата не содржи никакви „шеќери, масти или протеини кои можат да скапат“, па затоа не се „расипала“ по неколку часа стоење, и покрај чудниот вкус.
Изгледа дека предупредувањата всушност се однесуваат на тоа да не се остава вода со денови или недели, да не се користи повеќепати иста чаша без да ја измиете и да не се дели истата неизмиена чаша со други луѓе.