Фит

Дали треба да јадете нешто после тренинг?

6. септември 2018 - 15:43 | М.Д.

Oткако ќе завршите со тренинг, или веднаш одите нешто да јадете, или пак воопшто не размислувате за храна.

Една група на луѓе сметаат дека телото треба веднаш да се нахрани, додека други сметаат дека со внесувањето на нови калории го саботирате сопствениот пат до слабеењето.

„Некои луѓе дури и немаат апетит откако добро ќе се испотат“, вели нутриционистот Хејди Колник.

Имено, истражувањата покажаа дека вежбите за зајакнување на телото го намалуваат хормонот кој е заслужен за стимулација на апетитот, па можат да поминат и до три часа после тренинг додека не почувствувате глад.

Меѓутоа, експерти тврдат дека е важно да се јаде после тренинг.

„Ако не изедете нешто во рок од еден час откако сте ја напуштиле теретаната, тоа може да има лоши последици по вас. Подоцна ќе бидете уште погладни и ќе изедете повеќе“, објаснува Хејди и додава дека после тренинг не треба да се јаде високо калорична храна, туку доволно е нешто едноставно, како јогурт или банани, јаболка, или пак да се напиете чоколадно млеко.

„Се додека ги внесувате хранливите материи, кои ќе ви ја вратат загубената енергија, вие немате проблеми“, смета Сколник.

Коментирај