Фит

Дали треба да правите кардио вежби пред тренинг за сила?

11. ноември 2018 - 16:07 | А.С.

Ако сакате да слабеете, многу е важно точно да го одредите редоследот на тренинзите и секако, не смеете да заборавите на тренингот за сила што е потребен за градење мускули и затегнување на телото.

Често се поставува прашањето дали е подобро прво да направите кардио вежби, па потоа да преминете на справите за јакнење на мускулите и кревање тегови, или обратно.

Студијата објавена во Journal of Strength and Conditioning Research открива дека – нема разлика во крајниот резултат. Иако студијата дава јасен одговор, мислењата на стручњаците сепак варираат.

Според фитнес инструкторот Ентони Јенг, секогаш е подобро да одработите тренинг за сила, па потоа кардио вежби бидејќи е поприродно да ги направите потешките работи додека телото е поснажно и посвежо. Ако вежбате во обратен редослед телото ќе биде уморно и ризикувате премногу да се оптоварите и да имате полоша техника на изведувањето на вежбите за сила.

Дијана Чалукс, сопственичка на вебсајтот за вежбање HitchFit.com истакнува дека пред сѐ треба да земете предвид која е вашата цел.

„Ако целта ви е да го намалите масното ткиво, идееално е прво да го изведете тренингот за сила, а потоа кардио вежбите“, вели таа.

Дијана објаснува дека кога правите вежби за сила вашето тело го користи гликогенот, а потоа со кардио вежбите го забрзувате метаболизмот и ги користите мастите.

Во поглед на идеалното време за вежбање, истражувањето објавено во British Journal of Nutrition покажа дека се согоруваат за 20% повеќе маснотии со трчање наутро, пред појадокот.

Коментирај