Ако денеска немате време за целосен тренинг, најдобро е да го скокнете, така? Одговорот е: НЕ. Може да постигнете ефект и со краток интензивен тренинг од 5 минути. Да, точно прочитавте – 5 минути.
Уште сте скептични? Продолжете да читате.
Можеби никогаш не сте помислиле дека може да вежбате само 5 минути. Се чини дека тоа не е доволно време за да направи каква било разлика.
Веќе ви дадовме препорака колку време треба да вежбате за да постигнете резултати, но овие интензивни микротренинзи се корисни за во деновите кога едноставно 5 минути се сѐ што имате на располагање.
Најважно од сѐ е да го одржите континуитетот, а со тоа и мотивираноста и самодовербата во насока на исполнување на вашите фитнес цели. Подобро нешто отколку ништо.
Истражување од Универзитетот во Јута покажа дека кратките тренинзи се важни на подолг временски период и дека секое вежбање е важно, сѐ додека го изведувате правилно.
Жените кои наместо да скокаат стандарден тренинг правеле мини интензивни тренинзи имале намалување на индексот на телесна маса во споредба со оние кои не правеле заменски тренинг. Слични резултати имало и кај машките испитаници.
Ова се неколку примери за микротренинзи од 5 минути што може да ги искористите за деновите кога немате време за целосен тренинг:
