Добрите пријатели се богатство, а токсичните пријатели - треба што побрзо да ги исфрлите од животот.
Многу е тешко кога ќе сфатите дека пријателството со некои луѓе не е баш такво како што сте мислеле. Иако е тешко самите на себе да си признаете дека дружењето со некого ве оптеретува, ова се некои знаци кои укажуваат дека сте заглавени во токсично пријателство кое треба да го прекинете.
Претежно вие сте тие што слушаат
Искреното пријателство подразбирање давање и примање. На пријателот може да му се пожалите за проблеми, но за возврат тука сте да го сослушате пријателот кој се жали на неговите проблеми. Но, сигнал за токсично пријателство е кога вашите разговори се сведуваат на тоа постојано вие да слушате за проблеми.
Многу ретко се гледате
Освен доколку не живеете во различни градови, нема изговори за ова. Доколку пријателството е вистинско, ќе најдете време да се видите и да разговарате, па макар и преку видео повик. Дури и доколку се гледате ретко, тоа што е уште поважно е како се однесувате кога ќе се видите. Знак за тревога е доколку немате баш многу теми за разговор или немате баш многу заеднички интереси.
Се чувствувате лошо откако ќе се видите
По гледање со добар пријател би требало да се чувствувате подобро од претходно и да имате повеќе енергија. Доколку по средбата се чувствувате исцрпено, тоа не е добро. Истото важи и з апријателите кои постојано ви бараат пари - едно е кога пријател ќе ви се обрати за помош, а друго кога ве користи.
Повеќе не им се доверувате
Во склад со тоа колку сте блиски, би требало да имате доволно доверба да им се доверите и да бидете емотивно ранливи пред нив. Доколку некој кој претходно ве поддржувал, сега одеднаш осудува сè што правите и ве исмејува, размислете два пати пред да му се доверите.
Делите само негативни вести
Како и бракот, и пријателството треба да биде во добро и зло. Доколку вашиот пријател само се жали кога сте заедно и разговарате само за негативни работи, кажете им дека тоа ви смета. Кога со токсичен пријател ќе споделите некоја убава вест, тој не се радува за вас. Такви пријатели не ви требаат.
Не ги почитуваат вашите граници
Доколку јасно сте поставиле граници, а тие не ги почитуваат, константно ве бараат или ви праќаат пораки откако сте кажале дека сте во гужва, би требало да им повторите. Кога тоа константно се повторува, би требало да размислите за иднината на таквото пријателство.
