Протеините се многу важни за нашиот организам. Имено, тие претставуваат главен градежен материјал во нашиот организам, а вклучени се во речиси сите биохемиски процеси на клетките. Учествуваат во создавање на хемоглобин кој го пренесува кислородот во телото, во изградба и обнова на мускулно ткиво, растење на косата, ноктите и кожата, односно во преносот на хранливи материи.
Токму поради овие фактори, внесувањето на адекватна количина на протеини е повеќе од неопходно. На просечен човек му се потребни 1 – 1,5 грама протеини по килограм од телесната тежина дневно.
Ако се прашувате дали земате доволно протеини, обратете внимание и на следново. Ова се знаци дека не јадете доволно протеини:
1. Постојано ви се јаде нешто благо
Еден од првите знаци дека недоволно внесувате протеини е постојаната желба за благо, како и тоа дека никогаш во потполност не се чувствувате сити. Постојаната желба за благо е очигледен знак за недостаток на протеини, бидејќи една од главните функции на протеините е одржување на постојано ниво на глукоза во крвта, па со недостаток на протеини имате и пад на глуказа и желба за храна која бргу ќе ви даде енергија, како што се слатките.
2. Се чувствувате уморно
Рамнотежата на шеќерот во крвта е важна за концентрацијата, па со недостаток на протеини имате чувство дека не можете нормално да функционирате. Секако, на вашиот мозок му се потребни протеини за добро да се чувствува. Ако постојано барате решение во јаглен хидрати како што се пецива, ќе добиете моментален прилив на енергија и потоа повторно пад на енергијата со чувство дека не можете да се фокусирате на работите.
3. Се чувствувате слабо
Протеините се клучни за градбата на мускулите, па со недоволно внесување на протеини мускулите со текот на времето слабеат.
4. Често сте болни
Без доволно протеини нема ниту добар имунитет. Затоа, ако забележувате дека често сте настинати, а инаку немате проблеми со здравјето, можеби станува збор токму за недостаток на протеини во вашето тело.
