Многу луѓе често ги мешаат овие два поими што и не се разликуваат многу во суштина, но разликите се сепак важни за оние кои ги имаат овие титули.
Роберт Фрост, кој има обучувано астронаути за NASA, ESA, JAXA, CSA и RSA за работа на Меѓународната вселенска станица, дава одговор на прашањето: која е разликата меѓу космонаут и астронаут?
Космонаути се професионалци обучувани и сертифицирани од Руската вселенска агенција за работа во вселената. Астронаути се луѓе обучувани и сертифицирани од NASA, ESA, CSA или JAXA за работа во вселената.
Иако двата термини можеби делуваат функционално еквивалентни, се разликуваат во оперативните философии на различните вселенски агенции, кои пак резултираат во различни вештини и знаења.
Сепак, разликата пред и над сѐ, се прави од чисто почитување. Русите имаат долга историја во освојувањето и проучувањето на вселената. Тие први испратија човек во вселената и го држат рекордот за најдолго поминато време во вселената за поединец, мисија и кумулативна кариера. Исто така го држат рекордот за најголем број „вселенски прошетки“. Секој космонаут кога ја добива титулата ја става и наметката што некогаш ја носел Јуриј Гагарин. Да се бара од нив да се откажат од таа титула само поради конформитет и унификација би било знак на непочитување.
Треба да се нагласи дека секој кој отишол во вселената не е астронаут, односно космонаут, има и луѓе кои се пилоти, специјалисти за мисија, специјалисти за товар, технички специјалисти итн.
