Во овој период од годината за терапија може да се користат и листовите глуварче кои многу поволно делуваат на бубрезите, жолчното кесе, панкреасот, желудникот, цревата и крвта.
Покрај тоа, глуварчето се смета за еден од најбезбедните и најважните хербални лекови за црниот дроб. Листовите од глуварче можат да им помогнат и на оние кои страдаат од задржување на вода, целулит и дебелина.
Свежо набраните листови глуварче, освен чај, може да се подготват и како салата. Поради високата содржина на инсулин во нив, се препорачуваат и за дијабетичари.
За да спречите листовите од глуварчето да имаат горчлив вкус, најдобро е да ги соберете на пролет пред растението да процвета. Можете исто така да избегнете горчина ако ги јадете само горните делови од листовите.
Кога станува збор за стебленцето, народната медицина го препорачува неговиот сок за отстранување брадавиците.
Според рецептите на австриската билкарка Марија Требен, во борбата против хроничното воспаление на црниот дроб треба да јадете 5 или 6 стебленца од глуварче, додека за лекување на дијабетес се препорачуваат 10 стебленца дневно.
Во случај на проблеми со задржување на вода, дебелина и проблеми со бубрезите, наутро и навечер, половина час пред оброците, се препорачува шолја чај од глуварче. Две лажички листови од глуварче прелијте ги со 250 ml зовриена вода, оставете 10 минути и процедете.
Чајот од млади листови глуварче многу успешно помага при инфекции на уринарниот тракт.
Консумирањето чај од листови од глуварче се препорачува и за пушачи или поранешни пушачи, бидејќи ниту едно друго растение не ја чисти крвта, крвните садови, мукозните мембрани на респираторните органи и белите дробови како глуварчето.
За оние кои страдаат од анемија со дефицит на железо, листовите од глуварче може да бидат многу корисни. Измешајте еднакви делови листови од глуварче, коприви и потчарка и ставете ги во тегла. Кога правите чај, прелијте една лажичка од оваа смеса со шолја топла вода и оставете ја да отстои 10 минути. Пијте три шолји дневно.
