Сѐ повеќе луѓе на социјалните мрежи откриваат дека се greysexual, во слободен превод – сивосексуалци.
Во видео што неодамна го објави BuzzFeed, неколку луѓе зборуваа за асексуалноста и сивосексуалноста, а многу читатели првично не разбраа што всушност значи сивата сексуалност или сивата асексуалност.
Терминот се користи за да се однесува на луѓе кои имаат ограничена сексуална привлечност. Со други зборови, тие доживуваат сексуална привлечност многу ретко или со многу слаб интензитет.
Сивосексуалците се некаде помеѓу асексуалци и алосексуалци. Ова произлегува од идејата дека сексуалноста не е црно-бела, туку дека постои „сива зона“ во која спаѓаат многу луѓе.
Се поставува прашањето сивосексуалците се едноставно оние луѓе кои имаат ниско либидо.
Не се.
Healthline ја објаснува разликата помеѓу намаленото либидо и сивосексуалноста.
Либидото се однесува на чувството на потреба од секс со цел да се почувствува сексуално задоволство и сексуално ослободување. Од друга страна, сексуалната привлечност се однесува на чувството дека ве привлекува одредена личност и сакате да имате секс со неа. Асексуалните и сивосексуалните лица може да имаат високо либидо, а сексуалните луѓе може да имаат ниско либидо.