Lufthansa избра да биде родово неутрална во воздух и на земја, па веќе нема да ги поздравува патниците во кабината со „Дами и господа“, соопшти денеска најголемата авиокомпанија во Европа.
„Екипажот сам ќе избере како да им се обрати на патниците“, изјави портпаролот за AFP, потврдувајќи ги информациите објавени од германскиот таблоид Bild.
Наместо традиционалниот поздрав, се предлага кабинскиот екипаж да ги поздравува патниците со изразите „Почитувани патници“ или „Добар ден“, рече изворот.
Одлуката е резултат на промените во општеството со кои се почитуваат сите луѓе и „овој процес ќе трае некое време“, додаде портпаролот.
Тој објаснува дека новата родово неутрална формулација ќе важи за сите авиокомпании во групата како што се Austrian Airlines, Swiss, Eurowings и Brussels Airlines.