Според последните податоци кои ги објави Државната Изборна Комисија (ДИК), по обработени 100.607 гласачки ливчиња или 21,53% од 165 избирачки места, во трката за градоначлалник на Град Скопје води независната кандидатка, поддржана од ВМРО-ДПМНЕ Данела Арсовска, пред кандидатот на СДСМ Петре Шилегов.
До 1:40 часот утрово во системот на ДИК се обработени 100.607 гласачки ливчиња или 21,53%. Од нив, за Данела Арсовска гласале 18.815 или 38,35%. Петре Шилегов е на второ место со 17.300 гласови или 35,26%.
По нив следат Перо Георгиевски од Левица со 8,31%, Арбен Шаќири со 3,82%, Ана Петровска со 3,85%, Александар Тортевски од Твоја со 1%, додека останатите кандидати имаат под 1% од гласовите.
