Кинескиот боксер Џилеи Џанг ја одбрани привремената светска WBO титула во тешка категорија, откако го победи Британецот Џо Џојс со спектакуларен нокаут во третата рунда во реваншот.
Во април, Џанг ја шокираше светската боксерска јавност кога, како огромен аутсајдер, го победи претходно непоразениот Џојс со технички нокаут.
Реваншот на Џојс се очекуваше синоќа во лондонската OVO Arenа, но Џанг продолжи таму каде што застана во април.
Борбата траеше само три рунди кога Џанг со десно кроше го легна Џојс на подот и Британецот не можеше да ја продолжи борбата.
Сега Џанг има 26 победи во професионални борби (21 со нокаут, едно реми и еден пораз (од Филип Хрговиќ лани), а боксерскиот свет со право се прашува дали Олександр Усик и Тајсон Фјури конечно добија достоен ривал во рингот.
Џанг во следната борба сигурно ќе се бори со еден од двајцата за титулата. Фјури е сопственик на WBC, а Усик на WBA, IBF, WBO и IBO појасите.
